Russia: రష్యా సైన్యంలో కీలక మార్పులు.. భారీగా సైనిక దళాల పెంపు!

 రష్యా రక్షణ దళాల సంస్థాగత నిర్మాణాన్ని పటిష్టం చేసి, సైనిక సామర్థ్యాన్ని మరింత పెంపొందించేందుకు అధ్యక్షుడు వ్లాదిమిర్ పుతిన్ కీలక మార్పులకు శ్రీకారం చుట్టారు. ఆర్మీలోని కమాండ్, లాజిస్టిక్స్ వ్యవస్థలను పునర్వ్యవస్థీకరిస్తూ రక్షణ మంత్రిత్వ శాఖలో పలువురు ఉన్నతాధికారులకు కొత్త బాధ్యతలు అప్పగించారు. క్రెమ్లిన్‌లో రక్షణ మంత్రి ఆండ్రీ బెలౌసోవ్, చీఫ్ ఆఫ్ జనరల్ స్టాఫ్ వాలెరీ గెరాసిమోవ్‌లతో పుతిన్ నిర్వహించిన ఉన్నత స్థాయి సమావేశం అనంతరం ఈ నియామకాలను అధికారికంగా ప్రకటించారు.