కేసీఆర్‌ మియాపూర్ భూములు కొట్టేయాలని చూశాడు : రేవంత్‌ రెడ్డి

మాజీ సీఎం కేసీఆర్‌ మియాపూర్ భూములు కొట్టేయాలని చూశాడంటూ సీఎం రేవంత్ రెడ్డి సంచలన ఆరోపణలు చేశారు. శుక్రవారం ఆయన ఢిల్లీలో మీడియాతో మాట్లాడారు. మియపూర్‌లోని రూ.50 వేల కోట్ల విలువైన భూములు ప్రభుత్వానికే చెందుతాయని సుప్రీంకోర్టు చారిత్రాత్మక తీర్పు ఇచ్చిందన్నారు ఇందుకు గాను సుప్రీంకోర్టుకు రేవంత్ ధన్యవాదాలు తెలియజేశారు. 'కేసీఆర్‌ తన బంధువు దామోదర్ రావు, గోల్డ్ స్టోన్ ప్రసాద్ రావు ద్వారా కబ్జాకు యత్నించారు. తెలంగాణలోని భూములను కబ్జా చేయాలని చూశారు. అప్పట్లో నేను టీపీసీసీ చీఫ్‌గా పోరాడితే నన్ను జైలుకు పంపించారు. ఆ భూముల విషయంలో దామోదర్ రావుకు ముందుగానే విలాసవంతమైన కార్లు లంచంగా ఇచ్చారు.