National : రాంలీలాలో ఆంక్షలు.. సభలు, నిరసనలపై కఠిన నిబంధనలు!

దేశరాజధాని ఢిల్లీలోని రాంలీలా మైదానంలో ఇకమీదట సభలు, నిరసనలు నిర్వహించే వారికి బిగ్ షాక్ తగిలింది. ఢిల్లీ పోలీసులు కొత్తగా నిబంధనలు, మార్గదర్శకాలు రూపొందిస్తున్నట్టు సమాచారం. మైదానంలో నిర్వహించే సభలు, సమావేశాలు,ఆందోళనలకు గరిష్ఠంగా 50 వేల మందికి మాత్రమే అనుమతి ఇవ్వనున్నారు. ఉదయం 10 గంటల నుంచి సాయంత్రం 5 గంటల వరకు మాత్రమే సభలు, ప్రదర్శనలకు అవకాశం ఉండనుంది. ప్రజల భద్రత, ట్రాఫిక్ నియంత్రణ, శాంతిభద్రతలను దృష్టిలో పెట్టుకుని ఈ ప్రతిపాదనలు సిద్ధం చేసినట్లు తెలుస్తోంది.