reliance jio: ఉచిత డేటాతో మొదలై.. దేశంలోనే అతిపెద్ద ఐపీవో వైపు రిలయన్స్ జియో ప్రస్థానం!

reliance jio: ఒకప్పుడు భారత్‌లో మొబైల్ ఇంటర్నెట్ వాడకం అంటే ఒక విలాసవంతమైన అంశం. నెలకు ఒక జీబీ డేటా కోసం రూ.250 నుంచి రూ.300 వరకు ఖర్చు పెడుతూ, ఇంటర్నెట్ ఆన్ చేయడానికే ఒకటికి రెండుసార్లు ఆలోచించే రోజులు అవి. సరిగ్గా పదేళ్ల క్రితం.. 2016 సెప్టెంబరులో ముకేశ్ అంబానీ నేతృత్వంలోని రిలయన్స్ జియో భారత టెలికాం రంగంలోకి అడుగుపెట్టింది. అప్పటివరకు స్థిరపడిన పాత రూల్స్‌ను, టెలికాం గుత్తాధిపత్యాన్ని ఒక్క దెబ్బతో తుడిచిపెట్టేసింది. ఫ్రీ కాలింగ్, అపరిమిత హై-స్పీడ్ డేటా అంటూ మొదలైన జియో ప్రయాణం.. నేడు దేశ డిజిటల్ ఆర్థిక వ్యవస్థకు వెన్నెముకగా మారి, భారత స్టాక్ మార్కెట్ చరిత్రలోనే కనీవినీ ఎరుగని మెగా ఐపీవో దిశగా అడుగులు వేస్తోంది.