ఆన్‌లైన్ డిస్కౌంట్ల మాయాజాలానికి చెక్.. ఈ-కామర్స్ సైట్లకు కొత్త రూల్స్!

దేశంలో నానాటికీ పెరుగుతున్న ఆన్‌లైన్ షాపింగ్ మోసాలకు అడ్డుకట్ట వేసేందుకు కేంద్ర వినియోగదారుల వ్యవహారాల శాఖ కఠిన చర్యలకు శ్రీకారం చుట్టింది. ఇందులో భాగంగా ‘వినియోగదారుల రక్షణ (ఈ-కామర్స్) సవరణ నిబంధనలు- 2026’ ను విడుదల చేసింది. ఈ కొత్త నిబంధనలు 2027 జనవరి 1వ తేదీ నుంచి దేశవ్యాప్తంగా అమలులోకి రానున్నాయి. పండుగల వేళ భారీ డిస్కౌంట్లు, బంపర్ ఆఫర్ల పేరిట నకిలీ తగ్గింపులతో కస్టమర్లను బురిడీ కొట్టించే ఈ-కామర్స్ సంస్థల మాయాజాలానికి చెక్ పెట్టడమే కాకుండా, డిజిటల్ మార్కెట్‌ను మరింత పారదర్శకంగా మార్చడమే ఈ కొత్త విధానం యొక్క ముఖ్య ఉద్దేశం.