పోలీసుల అక్రమ నిర్బంధాలకు చెక్.. సుప్రీంకోర్టు చారిత్రాత్మక తీర్పు!

పోలీసుల అక్రమ నిర్బంధాలు, అరెస్టుల ప్రక్రియపై భారత అత్యున్నత న్యాయస్థానం సుప్రీంకోర్టు అత్యంత కీలకమైన, చారిత్రాత్మకమైన తీర్పును వెలువరించింది. ఒక నేరంలో అనుమానంతో లేదా విచారణ నిమిత్తం ఒక వ్యక్తిని పోలీసులు వాస్తవంగా తమ అదుపులోకి తీసుకున్న (Detained) క్షణం నుంచే 24 గంటల కాలపరిమితి లెక్క ప్రారంభమవుతుందని స్పష్టం చేసింది. రికార్డుల్లో అధికారికంగా అరెస్టు చూపించిన సమయం నుంచి కాకుండా, వ్యక్తి స్వేచ్ఛను హరించిన మొదటి క్షణం నుంచే ఈ సమయం ప్రారంభమవుతుందని తేల్చిచెప్పింది.