‘తీర్థాన్ని స్వీకరించకుండా నటన’.. వైఎస్ భారతిపై విజయసాయిరెడ్డి కీలక వ్యాఖ్యలు!

 వైసీపీ మాజీ ఎంపీ విజయసాయిరెడ్డి వైసీపీ అధినేత వైఎస్ జగన్ మోహన్ రెడ్డి సతీమణి వైఎస్ భారతిని ఉద్దేశించి పరోక్షంగా తీవ్ర వ్యాఖ్యలు చేశారు. కొందరు వ్యక్తులు ఆలయాలకు వెళ్లినప్పుడు అర్చకులు ఇచ్చే తీర్థాన్ని స్వీకరించకుండా, తాగినట్లు నటిస్తూ వేళ్ల సందుల్లోంచి కిందకు వదిలేస్తారని, ఇదేనా వారు పాటించే సెక్యులరిజం అని ఎద్దేవా చేశారు. తాను స్వచ్ఛమైన హిందువునని, అన్ని మతాల ప్రార్థనా స్థలాలను గౌరవిస్తానని తిరుపతిలో మీడియా సమావేశంలో వ్యాఖ్యానించారు.