జాతీయ క్రీడా పురస్కారాల ప్రదానం.. 15మందికి అర్జున అవార్డులు!

భారత క్రీడా రంగంలో అత్యుత్తమ ప్రతిభ కనబరిచి అంతర్జాతీయ వేదికలపై దేశ కీర్తి పతాకను ఎగురవేసిన క్రీడాకారులు, అత్యుత్తమ శిక్షణ అందించిన గురువులకు కేంద్ర ప్రభుత్వం అందించే 'జాతీయ క్రీడా పురస్కారాలు-2025' ప్రదానోత్సవం శుక్రవారం న్యూఢిల్లీలోని రాష్ట్రపతి భవన్‌లో అత్యంత వైభవంగా జరిగింది. రాష్ట్రపతి ద్రౌపది ముర్ము విజేతలకు పురస్కారాలు అందజేసి ఘనంగా సత్కరించారు. ఈ వేడుకలో డెకాథ్లాన్ స్టార్ అథ్లెట్ తేజస్విన్ శంకర్, ఫిడే మహిళల చెస్ ప్రపంచ కప్ విజేత దివ్య దేశ్‌ముఖ్‌తో పాటు మొత్తం 15మంది క్రీడారత్నాలు ప్రతిష్ఠాత్మక అర్జున అవార్డులను స్వీకరించారు.