ఎంపీ ఈటలకు షాకిచ్చిన పోలీసులు..

మల్కాజిగిరి బీజేపీ ఎంపీ ఈటల రాజేందర్‌కు బిగ్ షాక్ తగిలింది. జవహర్‌నగర్ డంపింగ్ యార్డ్ తరలింపు కోసం ఆయన ఇవాళ చేపట్టిన పాదయాత్రను పోలీసులు అడ్డుకున్నారు. నాలుగు రోజుల మహా పాదయాత్రకు అనుమతిని నిరాకరించారు. మంగళవారం ఘట్‌కేసర్ మండలం ఎదులాబాద్ నుంచి పాదయాత్ర ప్రారంభించేందుకు బీజేపీ శ్రేణులు ఏర్పాట్లు చేయగా.. సుమారు 5 వేల మంది పార్టీ నాయకులు, కార్యకర్తలతో యాత్రను ప్రారంభించేందుకు సన్నాహాలు చేశారు. ఈ క్రమంలోనే పోలీసులు రంగప్రవేశం చేసి పాదయాత్రకు అనుమతి లేదని పేర్కొంటూ నాయకులను అడ్డుకున్నారు.