వెబ్‌సైట్‌లో పీఎఫ్ సేవలు బంద్.. ఉమాంగ్ యాప్‌తో డిజిటల్ విప్లవం!

ఈపీఎఫ్ఓ (EPFO) ఉద్యోగుల సౌకర్యార్థం డిజిటల్ సేవలను మరింత వేగవంతం, పారదర్శకం చేస్తూ కీలక నిర్ణయం తీసుకుంది. ఇకపై యూఏఎన్ (UAN) యాక్టివేషన్, కొత్త యూఏఎన్ జనరేషన్ ప్రాసెస్ కోసం అధికారిక పీఎఫ్ పోర్టల్‌ను ఉపయోగించే అవకాశం లేకుండా చేసింది. ఈ సేవలను పీఎఫ్ వెబ్‌సైట్ నుంచి పూర్తిగా తొలగించి, కేవలం కేంద్ర ప్రభుత్వానికి చెందిన 'ఉమాంగ్' (UMANG) యాప్‌లో మాత్రమే అందుబాటులో ఉంచేలా మార్పులు చేసింది. కొత్తగా ఉద్యోగంలో చేరిన వారైనా లేదా ఇప్పటికే పీఎఫ్ ఖాతా ఉండి యాక్టివేట్ చేసుకోని వారైనా తప్పనిసరిగా ఉమాంగ్ యాప్ ద్వారానే ఈ ప్రక్రియను పూర్తి చేయాల్సి ఉంటుంది.