3.5 లక్షల మంది మహిళలు, వితంతువులకు పింఛన్లు : సీఎం రేవంత్ రెడ్డి

రాష్ట్రంలో కొత్త చేయూత పింఛన్ల లబ్దిదారులు మొత్తంగా 4.5 లక్షలు ఉంటే అందులో 3.5 లక్షలు ఒంటరి మహిళలు, వితంతువులకు కేటాయించినట్టు సీఎం రేవంత్ రెడ్డి ప్రకటించారు.అదేవిధంగా నేత, గీత కార్మికులకు కూడా కొత్త పింఛన్లు మంజూరు చేశామని వెల్లడించారు. ఇందిరమ్మ ఇళ్లు, 200 యూనిట్ల ఉచిత విద్యుత్, మహిళలకు ఉచిత బస్సు ప్రయాణం వంటి పథకాలు వారి కుటుంబాలకు అండగా నిలుస్తున్నాయని తెలిపారు. ప్రతిరోజూ 37 లక్షల మంది మహిళలు ఆర్టీసీ బస్సుల్లో ఉచితంగా ప్రయాణిస్తున్నారన్నారు.