నాడు ప్రియుడి కోసం.. నేడు అదే ఇంజెక్షన్‌తో నర్సు దారుణం

ప్రియుడి కోసం కన్న తల్లిదండ్రులను కడతేర్చిన ఓ యువతి ..తాజాగా ఆత్మహత్యకు పాల్పడింది.పేరెంట్స్‌ను ఎలాగైతే ఓవర్ డోస్ ఇంజెక్షన్ ఇచ్చి హతమార్చిందో అదే విధంగా సదరు యువతి సైతం తనకు తాను ఇంజెక్షన్ తీసుకుని మరణించినట్టు సమాచారం. గత కొంతకాలంగా ఒంటరిగా ఉంటున్న సురేఖ.. నిన్న ఆత్మహత్య చేసుకున్నట్టు తెలిసింది. వివరాల్లోకివెళితే.. సంగారెడ్డిలో ఓ ప్రైవేట్ ఆస్పత్రిలో నర్సుగా పని చేస్తున్నప్పుడు సురేఖ ఓ అబ్బాయిని ప్రేమించింది. ప్రేమ పెళ్లికి తల్లిదండ్రులు నిరాకరించడంతో, వారిపై పగ పెంచుకున్న సురేఖ.. ఇదే ఏడాది జనవరిలో.. వికారాబాద్‌లోని యాచారంలో పేరెంట్స్‌కు మత్తు ఇంజెక్షన్ ఇచ్చి హత్య చేసిన విషయం తెలిసిందే.అనంతరం జైలుకెళ్లి ఇటీవల బెయిల్ మీద బయటకు వచ్చింది.