రీల్స్ పిచ్చి.. చిన్నారని సముద్రపు అలల్లో వదిలేసి వెర్రివేషాలు!

ఓ జంట సెల్ఫీ, రీల్స్ పిచ్చిలో పడి కన్నకూతురిని సముద్రపు అలలకు వదిలేశారు. బీచ్ వద్ద చిన్నారి ఆడుకుంటూ ఉండగా.. ఆమె తండ్రి సెల్పీ స్టిక్ చేతబట్టుకుని వీడియో తీయడం ప్రారంభించాడు.దీంతో అప్పటివరకు చిన్నారిని పట్టుకున్న తల్లి..కూతురిని వదిలేసి భర్తతో కలిసి సెల్ఫీలు దిగడం మొదలెట్టింది.ఆ సమయంలో అలల ధాటికి చిన్నారి కొట్టుకుపోయినా ఏమీ పట్టనట్టు వీడియో తీసుకోవడంలో బిజీగా ఉండిపోయారు. ఇంతలో ఓ అబ్బాయి వచ్చి ఆ పాపను పట్టుకోవడంతో పెను ప్రమాదం తప్పింది. రీల్స్ పిచ్చిలో చిన్నారి ప్రాణాలనే పణంగా పెడతారా? అంటూ ఆ జంటపై నెటిజన్లు తీవ్ర స్థాయిలో విరుచుకపడుతున్నారు. మీ పైత్యానికి చిన్నారని బలి చేసే బదులు మీరే సముద్రంలోకి వెళ్లొచ్చు కదా? అంటూ మరికొందరు ఆగ్రహం వ్యక్తం చేస్తున్నారు