నువ్వు నల్లమల పులి కాదు.. చంద్రబాబు పిల్లి

KTR: సిరిసిల్లలో బహిరంగ సభలో తనను ఉద్దేశించి సీఎం రేవంత్ చేసిన వ్యాఖ్యలకు ఘాటుగా బదులిచ్చారు బీఆర్ఎస్ వర్కింగ్ ప్రెసిడెంట్ కేటీఆర్. సీఎం రేవంత్ రెడ్డి మరోసారి పచ్చి అబద్ధాలు మాట్లాడారని కేటీఆర్ ధ్వజమెత్తారు. సిరిసిల్లలో రేవంత్ రెడ్డి చెప్పినవన్నీ అవాస్తవలే అన్నారు. రేవంత్ రెడ్డి ఫ్రస్టేషన్ లో మాట్లాడుతున్నారని విరుచుకుపడ్డారు. ప్రశ్నిస్తున్నామనే తమపై రేవంత్ రెడ్డికి కోపం అని చెప్పారు కేటీఆర్. సిరిసిల్ల పర్యటనలో రేవంత్ రెడ్డి ఏదైనా కొత్త పథకం ప్రకటిస్తారని అనుకున్నాం.. నాలుగు మంచి మాటలు చెబుతారని.. రైతులకు స్వాంతన కలిగించే ప్రకటన చేస్తారని ఆశించాము.. కానీ అదేమీ లేదు. మళ్లీ అవే తిట్లు, పుక్కిటి పురాణాలు అంటూ రేవంత్ రెడ్డిపై నిప్పులు చెరిగారు కేటీఆర్.