జేబులోంచి ఫోన్ తీసే పనిలేదు.. కంటిచూపుతోనే యూపీఐ పేమెంట్స్!

 డిజిటల్ చెల్లింపుల రంగంలో సరికొత్త విప్లవానికి శ్రీకారం చుడుతూ ప్రముఖ టెలికాం దిగ్గజం రిలయన్స్ జియో ఆర్టిఫిషియల్ ఇంటెలిజెన్స్ (AI) ఆధారిత స్మార్ట్ కళ్లద్దాలను ఆవిష్కరించింది. న్యూఢిల్లీలో జరుగుతున్న 'ఇండియా మొబైల్ కాంగ్రెస్ (IMC) 2026' వేదికగా ఈ జియో ఏఐ గ్లాసెస్‌ను ప్రదర్శించింది. షాపింగ్ చేసినప్పుడు జేబులోంచి స్మార్ట్‌ఫోన్, డెబిట్ లేదా క్రెడిట్ కార్డులు బయటకు తీయాల్సిన అవసరం లేకుండా, కేవలం క్యూఆర్ కోడ్ వైపు చూసి మౌఖిక ఆదేశాలిస్తే చెల్లింపులు పూర్తయ్యేలా ఈ సాంకేతికతను రూపొందించారు.