శాటిలైట్ ఇంటర్నెట్ నిబంధనల్లో వివక్ష లేదు: కేంద్రం క్లారీటీ

 భారతదేశంలో శాటిలైట్ కమ్యూనికేషన్ (SatCom) సేవలకు సంబంధించి అమలు చేస్తున్న నియంత్రణ వ్యవస్థ అత్యంత న్యాయబద్ధంగా, ఎలాంటి వివక్ష లేకుండా ఉందని కేంద్ర ప్రభుత్వం స్పష్టం చేసింది. సోషల్ మీడియాలో జరుగుతున్న దుష్ప్రచారాలను ఖండిస్తూ ప్రెస్ ఇన్ఫర్మేషన్ బ్యూరో (PIB) గురువారం అధికారిక వివరణ విడుదల చేసింది. నాన్-జియోసింక్రోనస్ శాటిలైట్ ఆర్బిట్ (NGSO) ఆధారిత కమ్యూనికేషన్ సేవల కోసం ఇప్పటివరకు మూడు గ్లోబల్ మొబైల్ పర్సనల్ కమ్యూనికేషన్ బై శాటిలైట్ (GMPCS) సంస్థలకు టెలికాం లైసెన్సులు మంజూరు చేసినట్లు కేంద్రం వెల్లడించింది.