గృహ నిర్మాణంలో కొత్త టెక్నాలజీ..  పైలట్ ప్రాజెక్టుగా 177 వినూత్న ఇళ్ల నిర్మాణం!

 ఏపీలో పేదల సొంతింటి కలను మరింత నాణ్యతతో, వేగవంతంగా నెరవేర్చేందుకు చంద్రబాబు నాయుడు నేతృత్వంలోని ప్రభుత్వం వినూత్న సాంకేతికతకు శ్రీకారం చుట్టింది. ప్రధానమంత్రి ఆవాస్ యోజన-గ్రామీణ్ 2.0 పథకం కింద 3డీ కాంక్రీట్ ప్రింటింగ్ సాంకేతిక పరిజ్ఞానాన్ని ఉపయోగిస్తూ తొలిదశలో 177 ఇళ్లను నిర్మించేందుకు ప్రణాళికలు రూపొందించారు. ఆధునిక నిర్మాణ సరళిని ప్రోత్సహించడంతో పాటు అత్యల్ప వ్యవధిలోనే దృఢమైన, నాణ్యమైన ఇళ్లను అందించడమే ఈ ప్రతిష్టాత్మక ప్రాజెక్టు ముఖ్య ఉద్దేశం.