హ్యామ్ రహదారుల నిర్మాణానికి ముహూర్తం ఫిక్స్

HAM Roads: తెలంగాణలో హ్యామ్ (హైబ్రిడ్‌ యాన్యుటీ మోడల్‌) రహదారుల నిర్మాణానికి ముహూర్తం ఖరారైంది. కాంట్రాక్టర్లు, ఉన్నతాధికారులతో మంత్రి సీతక్క సమీక్ష నిర్వహించారు. అక్టోబర్ 25 నుంచి రాష్ట్రవ్యాప్తంగా హ్యామ్ రహదారుల పనులు ప్రారంభించాలని చెప్పారు. గ్రామీణ తెలంగాణకు శాశ్వత మౌలిక వసతుల కల్పనే ప్రభుత్వ లక్ష్యం అని తెలిపారు. హ్యామ్ విధానంలో 18,472 కిలోమీటర్ల మేర గ్రామీణ రహదారులు అభివృద్ధి చేస్తామన్నారు. తొలి విడతలో 7,448 కిలోమీటర్ల రహదారుల అభివృద్ధి చేస్తామని, ఇందుకోసం 6 వేల కోట్లకు పైగా వ్యయం అవుతుందని మంత్రి సీతక్క వెల్లడించారు. ఉమ్మడి వరంగల్, ఖమ్మం జిల్లాల్లో 1,366 కిలోమీటర్ల మేర 445 రహదారులను అభివృద్ధి చేయనున్నారు.