ప్రభుత్వం గుడ్‌న్యూస్.. కొత్తగా 4.5లక్షల పెన్షన్లు

Danasari Seethakka: తెలంగాణ ప్రభుత్వం శుభవార్త చెప్పింది. దీపావళి పండుగ కానుకగా కొత్తగా 4.5 లక్షల మందికి చేయూత పెన్షన్లు ఇవ్వనుంది. ఈ మేరకు రాష్ట్ర పంచాయతీ రాజ్, గ్రామీణాభివృద్ధి శాఖ మంత్రి సీతక్క ప్రకటించారు. ఆదివారం కొడంగల్‌లో సీఎం రేవంత్‌రెడ్డి చేతుల మీదుగా పెన్షన్ల పంపిణీ కార్యక్రమానికి శ్రీకారం చుట్టనున్నట్లు మంత్రి వెల్లడించారు. సీఎం రేవంత్ కొంతమంది లబ్దిదారులకు స్వయంగా మంజూరు పత్రాలు అందించనున్నారు. అనంతరం అన్ని జిల్లాల్లో మంత్రులు, ప్రజాప్రతినిధులు ద్వారా లబ్దిదారులకు పత్రాల పంపిణీ ఉంటుందన్నారు.