బీజేపీలో కొత్త జోష్.. మూడు జిల్లాలకు కొత్త అధ్యక్షులు

రాష్ట్ర బీజేపీలో సానుకూల వాతావరణం కనిపిస్తోంది. ఇటీవల పార్టీలోని కీలక నేతలైన కేంద్రమంత్రి బండి సంజయ్, ఎంపీ ఈటల రాజేందర్ నడుమ వివాదం రాజుకున్న విషయం తెలిసిందే.తన నియోజకవర్గంలో కేంద్రమంత్రి బండి జోక్యం చేసుకుంటున్నారని, తన వారిని కాదని ఆయన వర్గానికి,అనుచరులకు పదవులు ఇప్పించుకుంటున్నాడని ఈటల రాజేందర్ పలుమార్లు బహిరంగంగానే విమర్శలు చేశారు. అయితే, కేంద్రంలోని బీజేపీ పెద్దల జోక్యంతో ఇరువురి మధ్య సయోధ్య కుదరడంతో ఇంతకాలం పెండింగులో ఉన్న జిల్లా అధ్యక్ష పోస్టులకు ఎట్టకేలకు మోక్షం కలిగింది.