National: రైతులకు అలర్ట్.. పారాక్వాట్ డైక్లోరైడ్‌ పై కేంద్రం కీలక నిర్ణయం!!..

మనుషులు, జంతువుల ఆరోగ్యానికి తీవ్ర ముప్పు కలిగిస్తున్న అత్యంత ప్రమాదకరమైన కలుపు సంహారకం (హెర్బిసైడ్) పారాక్వాట్ డైక్లోరైడ్‌ను భారత ప్రభుత్వం బ్యాన్ చేసింది. ఈ నిషేధం తక్షణమే అమల్లోకి వస్తుందని ఉత్తర్వులు జారీ చేసింది. ఈ నిర్ణయంతో ఈ రసాయనాన్ని నిషేధించిన దాదాపు 70 దేశాల సరసన భారత్ చేరింది. నిపుణుల కమిటీ సిఫార్సులు, రిజిస్ట్రేషన్ కమిటీ సంప్రదింపుల అనంతరం కేంద్ర వ్యవసాయ, రైతు సంక్షేమ మంత్రిత్వ శాఖ ఈ నోటిఫికేషన్‌ను విడుదల చేసింది.