Nakirekal: 200మంది నేతన్నల రోదన.. సొసైటీ ఎన్నికల్లో అక్రమాలు!

 నల్గొండ జిల్లాలోని నకిరేకల్ చేనేత సహకార సంఘం వేదికగా దారుణమైన అక్రమాల పర్వం వెలుగులోకి వచ్చింది. నిత్యం మగ్గం నేసి, దారాలు వడికి చెమటోడ్చే అమాయక చేనేత కార్మికుల నోటికాడ కూడును సొసైటీలోని కొందరు పెద్దలు దారుణంగా దోచేస్తున్నారు. మగ్గానికి, నేత వృత్తికి ఎలాంటి సంబంధం లేని వ్యాపారులు సొసైటీని హస్తగతం చేసుకుని, ఏకంగా 200 మంది అర్హులైన నిజమైన చేనేత కార్మికులను కుట్రపూరితంగా రోడ్డున పడేసిన వైనం స్థానికంగా తీవ్ర కలకలం రేపుతోంది.