జన్వాడ ఫాంహౌస్ పై హైడ్రాకు కాంగ్రెస్ ఫిర్యాదు..

అక్రమంగా జన్వాడ ఫాంహౌస్ నిర్మించారని ఎంపీ చామల కిరణ్ కుమార్ రెడ్డి ఆరోపించారు. నాలాను కబ్జా చేసి ఫాంహౌస్ కట్టారని చెప్పారు. జన్వాడ ఫాంహౌస్ కేటీఆర్ ది కాదు.. నాదే అని ప్రదీప్ రెడ్డి అంటున్నారు.. అసలు ప్రదీప్ కి ఫాంహౌస్ భూమి ఎలా వచ్చింది? అని చామల ప్రశ్నించారు. బీఆర్ఎస్ వర్కింగ్ ప్రెసిడెంట్ కేటీఆర్ బాల్య స్నేహితుడే ప్రదీప్ రెడ్డి అని తెలిపారు. ఈ ఫాంహౌస్ లో రెంట్ కు ఉంటున్నా అని కేటీఆర్ అంటున్నారు... కానీ.. ప్రదీప్ రెడ్డి, కేటీఆర్ కు మధ్య ఎలాంటి అగ్రిమెంట్ లేదని ఎంపీ చామల వెల్లడించారు. గతంలో జన్వాడ ఫాంహౌస్ దగ్గర డ్రోన్ ఎగురవేస్తే రేవంత్ రెడ్డిపై కేసు పెట్టారని ఆయన గుర్తు చేశారు.