తెలంగాణలో 315 మండలాల్లో కరువు.. వెంటనే సాయం చేయండి

Drought: తెలంగాణ కరువు పరిస్థితులను కేంద్రం దృష్టికి తీసుకెళ్లారు రాష్ట్ర వ్యవసాయ శాఖ మంత్రి తుమ్మల నాగేశ్వరరావు. రాష్ట్రంలో 315 మండలాల్లో కరువు పరిస్థితులు ఉన్నాయని, వ్యవసాయ రంగంపై తీవ్రమైన ప్రభావం పడుతోందని తెలిపారు. రాష్ట్రానికి తక్షణ సాయం చేయాలని కేంద్రాన్ని కోరారు. రైతులకు ఉపశమనం కల్పించేందుకు సూక్ష్మ సేద్యానికి, మధ్యంతర పంటల విత్తనాల పంపిణీకి వెంటనే ఆర్థిక సాయం అందించాలని విజ్ఞప్తి చేశారు. ఖేత్‌ బచావో అభియాన్‌పై కేంద్రమంత్రి శివరాజ్‌సింగ్‌ నిర్వహించిన వీడియో కాన్ఫరెన్స్‌ లో మంత్రి తుమ్మల పాల్గొన్నారు.