వందల కోట్ల విలువైన భూములు.. ఇందిరమ్మ ఇళ్ల టవర్లకు కేటాయింపు- మంత్రి పొన్నం ప్రభాకర్

Indiramma Illu: ఇందిరమ్మ ఇళ్ల టవర్స్ కు సంబంధించి మంత్రి పొన్నం ప్రభాకర్ కీలక వ్యాఖ్యలు చేశారు. హైదరాబాద్ క్యూర్ పరిధిలో వందల కోట్ల రూపాయల విలువైన స్థలాలను ఇందిరమ్మ ఇళ్ల టవర్స్ కోసం కాంగ్రెస్ ప్రభుత్వం కేటాయిస్తోందని ఆయన తెలిపారు. మంగళవారం నాంపల్లి గృహకల్ప కార్యాలయంలో క్యూర్ పరిధిలోని 4 నియోజకవర్గాల్లో ఇందిరమ్మ ఇళ్ల కేటాయింపుల కోసం ఈ-లాటరీని మంత్రి పొన్నం ప్రారంభించారు. గోశామహల్, చాంద్రాయణగుట్ట, ఎల్బీ నగర్, ముషీరాబాద్ నియోజకవర్గాలకు సంబంధించి ఇందిరమ్మ ఇళ్ల లబ్దిదారులను ఎంపిక చేశారు.