చట్టం ముసుగులో 'మహా దోపిడీ'!

తెలంగాణలో 22ఏ నిషేధిత భూముల జాబితా వ్యవహారం అర్బన్ ల్యాండ్ సీలింగ్ కాదని, ఇది అక్షరాలా 'అర్బన్ పీపుల్స్ లూటింగ్' అని బీఆర్ఎస్ ఎమ్మెల్సీ దాసోజు శ్రవణ్ కుమార్ తీవ్రస్థాయిలో విరుచుకుపడ్డారు. ఎక్స్(X) వేదికగా ప్రభుత్వంపై ఆయన సంచలన ఆరోపణలు చేశారు. లైసెన్స్‌డ్ లూట్‌గా మారిన ఈ వ్యవస్థ వెనుక నాలుగు దశల మహాదోపిడీ కుట్ర దాగి ఉందని ధ్వజమెత్తారు. దశాబ్దాల కిందట కష్టపడి కొనుక్కున్న ప్లాట్లను, 30ఏళ్ల క్రితం రిజిస్ట్రేషన్ అయిన పట్టా భూములను రాత్రికి రాత్రే కంప్యూటర్లలో ఒక్క క్లిక్‌తో '22A నిషేధిత జాబితా'లోకి నెట్టేస్తూ ప్రజల్లో కృత్రిమ భయాందోళనలు సృష్టిస్తున్నారని ఆగ్రహం వ్యక్తం చేశారు.