Life Partner Expectations: కాబోయే భార్యపై వింత ఆంక్షలు.. సోషల్ మీడియాలో యువకుడి పోస్ట్ తీవ్ర దుమారం!

సోషల్ మీడియా మోజులో కొట్టుమిట్టాడుతున్న నేటి యువత, పెళ్లి విషయంలో వాస్తవాలకు దూరంగా కల్పలోకంలో విహరిస్తోంది. జీవిత భాగస్వామి ఎంపిక కోసం సోషల్ మీడియా రీల్స్, ఫిల్టర్లతో కూడిన ఊహాప్రపంచాన్ని ప్రామాణికంగా తీసుకుంటూ, ఆకాశమే హద్దుగా అంచనాలు పెంచేసుకుంటోంది. రూపురేఖల నుంచి హోదా వరకు అటు అబ్బాయిలు, ఇటు అమ్మాయిలు అడిగే వింత వింత షరతులు చూస్తుంటే.. వారు కోరుకున్న స్వప్న సుందరులు లేదా మిస్టర్ పర్ఫెక్ట్‌లు దొరకాలంటే ఈ జన్మలో సాధ్యం కాదని, ఇంకో జన్మ ఎత్తాల్సిందేనన్న అభిప్రాయం వ్యక్తమవుతోంది.