KTR: తెలంగాణలో మళ్లీ 1980ల నాటి కరెంట్ కోతలు.. కేటీఆర్ ఘాటు విమర్శలు!

 సోషల్ మీడియాలో ప్రస్తుతం 1980ల నాటి ట్రెండ్ నడుస్తోందని, కానీ తెలంగాణలో కాంగ్రెస్ పాలన పుణ్యమా అని నాటి రోజుల్లోలాగా విద్యుత్ కోతలతో రైతాంగం అల్లాడిపోతోందని బీఆర్‌ఎస్ కార్యనిర్వాహక అధ్యక్షుడు కేటీఆర్ తీవ్రస్థాయిలో ధ్వజమెత్తారు. ‘కాంగ్రెస్ అధికారంలోకి వస్తే కరెంట్ ఉండదు’ అని తాము ఎన్నికల ముందే హెచ్చరించామని, ఈనాడు రాష్ట్రంలో అదే నిజమవుతోందని ఆయన ఆవేదన వ్యక్తం చేశారు. ప్రతిరోజూ పత్రికల్లో విద్యుత్ కోతలకు సంబంధించిన వార్తలు వస్తున్నాయని ఆరోపించారు.