కాంగ్రెస్ పార్టీకి రాజీనామాపై కొండా సురేఖ కీలక ప్రకటన

Konda Surekha: కాంగ్రెస్ పార్టీకి రాజీనామాపై కొండా సురేఖ క్లారిటీ ఇచ్చారు. కాంగ్రెస్ కు తాను రాజీనామా చేయడం లేదని ప్రకటించారు. కాంగ్రెస్ లోనే కొనసాగుతానని స్పష్టం చేశారు. మంత్రి పదవి లేకపోయినా ఎమ్మెల్యేగా కొనసాగుతానని వెల్లడించారు. మంత్రి పదవి నుంచి బర్తరఫ్ చేస్తే కొండా సురేఖ ఎమ్మెల్యే పదవితో పాటు కాంగ్రెస్ పార్టీకి కూడా రాజీనామా చేస్తారనే వార్తలు వచ్చాయి. మరో పార్టీలోకి కొండా సురేఖ వెళ్తారనే ప్రచారం జరిగింది. ఈ ప్రచారానికి కొండా సురేఖ తెరదించారు. తాను కాంగ్రెస్ లోనే కొనసాగుతానని ప్రకటించారు.