అలంపూర్ ఆలయాల అభివృద్ధికి కృషి-కేంద్రమంత్రి కిషన్ రెడ్డి

Kishan Reddy: అలంపూర్ ఆలయాల అభివృద్ధికి ప్రసాద్ పథకంలో భాగంగా ఇప్పటికే పలు పనులు చేశామని, భవిష్యత్తులో కూడా మరింత అభివృద్ధి చేసేందుకు కృషి చేస్తున్నట్లు కేంద్ర బొగ్గు గనుల శాఖల మంత్రి కిషన్ రెడ్డి తెలిపారు. ఆదివారం సాయంత్రం జోగులాంబ గద్వాల్ జిల్లా అలంపూర్‌లోని పవిత్ర జోగులాంబ ఆలయంలో మల్టీమీడియా ‘సౌండ్ అండ్ లైట్ షో’ను కిషన్ రెడ్డి ప్రారంభించారు. ఆధ్యాత్మికంగా ఎంతో విశిష్టత కలిగిన అలంపూర్ ఆలయాలను పెద్ద సంఖ్యలో భక్తులు దర్శిస్తుంటారని, భక్తులకు ప్రతి రోజు సాయంత్రం 25 నిమిషాల పాటు ఆలయ చరిత్రను తెలియజేస్తూ ప్రదర్శనలు ఇవ్వడం జరుగుతుందన్నారు.