Kisan Credit Card: రైతన్నలకు కేంద్రం గుడ్‌న్యూస్.. కిసాన్ క్రెడిట్ కార్డ్‌పై బంపర్ ఆఫర్!

దేశవ్యాప్తంగా ఉన్న రైతాంగానికి మద్దతుగా నిలిచేందుకు కేంద్ర ప్రభుత్వం మరో కీలక నిర్ణయానికి శ్రీకారం చుడుతోంది. సాగు ఖర్చుల కోసం రైతన్నలకు తక్కువ వడ్డీకే రుణాలను అందించే ప్రతిష్టాత్మక ‘కిసాన్ క్రెడిట్ కార్డ్’ (KCC) పథకాన్ని 2031-32 ఆర్థిక సంవత్సరం వరకు పొడిగించేందుకు మోదీ ప్రభుత్వం కసరత్తు చేస్తోంది. ఎలాంటి పూచీకత్తు (గ్యారెంటీ) లేకపోయినా అర్హులైన రైతులకు సులభంగా లోన్లు అందించడమే లక్ష్యంగా ఈ కీలక నిర్ణయం తీసుకోబోతున్నట్లు అధికారిక వర్గాల ద్వారా సమాచారం అందుతోంది.