ఎమ్మెల్యే పాడి కౌశిక్ రెడ్డిపై ఎథిక్స్ కమిటీ కీలక నిర్ణయం!

Ethics Committee: అసెంబ్లీ కమిటీ హాల్ లో ఎథిక్స్ కమిటీ సమావేశం జరిగింది. ఎథిక్స్ కమిటీ ఛైర్మన్ రేవూరి ప్రకాశ్ రెడ్డి అధ్యక్షతన ఈ సమావేశం జరిగింది. బీఆర్ఎస్ (వేముల ప్రశాంత్ రెడ్డి, పద్మారావు గౌడ్), బీజేపీ (రాకేశ్ రెడ్డి), సీపీఐ (కూనంనేని సాంబశివరావు), కాంగ్రెస్ (మధుసూదన్ రెడ్డి) సభ్యులు హాజరయ్యారు. గంటకుపైగా సాగిన ఈ సమావేశంలో అనేక అంశాలపై చర్చించారు. ప్రధానంగా బీఆర్ఎస్ ఎమ్మెల్యే పాడి కౌశిక్ రెడ్డి వ్యవహారంపై చర్చించారు. కౌశిక్ రెడ్డి అంశంపై మరోసారి సమావేశం నిర్వహించాలని ఎథిక్స్ కమిటీలో నిర్ణయించారు. అసెంబ్లీ సమావేశాల తర్వాత మరోసారి ఎథిక్స్ కమిటీ సమావేశం జరగబోతోంది.