కేసీఆర్ ప్రతిపక్ష పదవికి న్యాయం చేయాలి: మహేష్ గౌడ్

TG: కేసీఆర్‌ ఎమ్మెల్యే పదవికి రాజీనామా చేయాలని డిమాండ్‌ చేస్తూ ఇందిరాపార్క్‌ వద్ద పీసీసీ ఆధ్వర్యంలో ఈ రోజు మహాధర్నా నిర్వహించారు. ఈ ధర్నాలో టీపీసీసీ అధ్యక్షుడు మహేశ్‌కుమార్‌గౌడ్‌ పాల్గొని మాట్లాడుతూ.. ప్రజలు ఇచ్చిన ప్రతిపక్ష నేత హోదాకు మాజీ సీఎం, బీఆర్‌ఎస్‌ అధినేత కేసీఆర్‌ న్యాయం చేయాలని డిమాండ్ చేశారు. ప్రజలు ఇచ్చిన తీర్పును అపహాస్యం చేయవద్దని సూచించారు. అసెంబ్లీకి హాజరు కాకపోతే ప్రతిపక్ష నేత పదవిని మరొకరికి అప్పగించాలన్నారు. ప్రజలు ప్రతిపక్ష పాత్ర పోషిస్తుంటే.. కేసీఆర్‌ మాత్రం ఫామ్‌హౌస్‌కే పరిమితమయ్యారని విమర్శించారు.