కేసీఆర్ ఫామ్‌హౌస్ వద్ద శుద్ధి వివాదం.. పోలీసులకు హైకోర్టు కీలక ఆదేశాలు

High Court: తెలంగాణ మాజీ సీఎం, బీఆర్ఎస్ చీఫ్ కేసీఆర్ ఫామ్‌హౌస్ దగ్గర శుద్ధి వివాదంలో కీలక పరిణామం చోటు చేసుకుంది. ఈ వ్యవహారంలో రేవంత్ సర్కార్ కి హైకోర్టులో ఎదురుదెబ్బ తగిలింది. ఈ కేసులో నిందితులను వెంటనే అరెస్ట్ చేయొద్దని న్యాయస్థానం ఆదేశించింది. కేవలం నోటీసులు ఇచ్చి దర్యాఫ్తు చేయాలని తేల్చి చెప్పింది.

ఏడు సంవత్సరాలలోపు శిక్ష పడే సెక్షన్ల కింద ఉన్న కేసుల్లో నిందితులను ఎలా అరెస్ట్ చేస్తారని కోర్టు ప్రశ్నించింది. సుప్రీంకోర్టు మార్గదర్శకాల్లో అరెస్ట్ చేయొద్దని స్పష్టంగా ఉన్నా.. వాటిని కాదని ఎలా అరెస్ట్ చేస్తారంటూ ఘాటు వ్యాఖ్యలు చేసింది ధర్మాసనం. నిబంధనలకు విరుద్ధంగా వ్యవహరించరాదని పోలీసులను హెచ్చరించింది. కేసీఆర్ ఫామ్ హౌస్ వద్ద శుద్ధి వ్యవహారంపై హైకోర్టులో లంచ్ మోషన్ పిటిషన్ దాఖలైంది. దీనిపై విచారణ జరిపిన న్యాయస్థానం కీలక వ్యాఖ్యలు చేసింది.