రణరంగంగా మారిన జూరాల పరిసరాలు.. మాజీ మంత్రి, మాజీ ఎమ్మెల్యేల అరెస్టు!

 ఉమ్మడి మహబూబ్‌నగర్ జిల్లాలోని జూరాల ప్రాజెక్టు ఆయకట్టు రైతులకు తక్షణమే సాగునీరు విడుదల చేయాలని డిమాండ్ చేస్తూ బీఆర్‌ఎస్ పార్టీ చేపట్టిన ‘జూరాల ప్రాజెక్టు ముట్టడి’ పిలుపు తీవ్ర ఉద్రిక్తతకు దారితీసింది. రైతుల ఆందోళనలకు మద్దతుగా డ్యామ్‌పై ధర్నా నిర్వహించేందుకు పిలుపునివ్వడంతో పోలీసులు అడుగడుగునా రక్షణ వలయాన్ని ఏర్పాటు చేశారు. జూరాల ప్రాజెక్ట్ 12 కిలోమీటర్ల పరిధి నుంచి డ్యామ్ మీది వరకు భారీగా బలగాలను మోహరించి, రోడ్లకు అడ్డంగా బారికేడ్లు, పోలీసు వాహనాలను అడ్డుపెట్టి ఆత్మకూరు - గద్వాల ప్రధాన రహదారిపై రాకపోకలను పూర్తిగా నిలిపివేశారు.