ఉస్మానియాలో జూనియర్ డాక్టర్ల సమ్మె

Osmania: హైదరాబాద్ ఉస్మానియాలో సమ్మె సైరన్ మోగింది. జూనియర్ డాక్టర్లు విధులు బహిష్కరించి ఆందోళన బాట పట్టారు. ఆసుపత్రిలో మెరుగైన వసతులు కల్పించాలని డిమాండ్ చేస్తున్నారు. మౌలిక వసతుల లేమి, ఆరోగ్యశ్రీ బకాయిలతో వైద్య సేవలు స్తంభించిపోవడం, పోస్ట్ గ్రాడ్యుయేట్ విద్యార్థులకు సరైన శిక్షణ ఇవ్వకపోవడం వంటి సమస్యలను వెంటనే పరిష్కరించాలని జూనియర్ డాక్టర్లు డిమాండ్ చేస్తున్నారు. ఉస్మానియాలో రోగులకు వైద్యం చేసేందుకు సరైన వసతులు లేవని ఆరోపిస్తూ విధుల బహిష్కరించి ఆసుపత్రి ప్రాంగణంలో బైఠాయించారు. ప్రభుత్వం వెంటనే స్పందించి బకాయిలు విడుదల చేయాలని, ఆసుపత్రికి అత్యవసర పరికరాలు, సర్జికల్స్, మందులు సరఫరా చేయాలని వారు డిమాండ్ చేశారు.