నెదర్లాండ్స్‌లో పానీపూరి ఆస్వాదించిన జాంటీ రోడ్స్.. దేశీ స్టైల్ రిప్లై వైరల్!

దక్షిణాఫ్రికా క్రికెట్ దిగ్గజం, ప్రపంచ ప్రఖ్యాత ఫీల్డర్ జాంటీ రోడ్స్‌కు భారతదేశం అన్నా, ఇక్కడి సంస్కృతి, ఆహారపు అలవాట్లన్నా అమితమైన ఇష్టం. ఈ విషయాన్ని ఆయన ఇప్పటికే అనేక సందర్భాల్లో స్వయంగా వెల్లడించారు. తాజాగా నెదర్లాండ్స్‌లోని రోటర్‌డామ్‌ నగరంలో ఉన్న 'కోయిలా' అనే భారతీయ రెస్టారెంట్‌లో ఆయన పానీపూరిని ఎంతో ఇష్టంగా ఆస్వాదిస్తూ కనిపించారు. ఆ సమయంలో అక్కడ చోటుచేసుకున్న ఓ సరదా సంభాషణ వీడియో ప్రస్తుతం సోషల్ మీడియాలో విపరీతంగా చక్కర్లు కొడుతోంది.