అధికార పార్టీలో ఉన్నంత మాత్రాన సమస్యలపై మాట్లాడొద్దా?

Anirudh Reddy: కాంగ్రెస్ నేత, జడ్చర్ల ఎమ్మెల్యే అనిరుధ్ రెడ్డి తగ్గేదేలే అంటున్నారు. సొంత పార్టీ ప్రభుత్వంపైనే విమర్శలు ఎక్కుపెడుతున్నారు. నేను చస్తేనే నా నియోజకవర్గానికి నిధులు ఇస్తామంటే.. ప్రాణత్యాగానికైనా సిద్ధమే అంటూ కాంగ్రెస్ ప్రభుత్వం లక్ష్యంగా ఆయన చేసిన వ్యాఖ్యలు రాజకీయవర్గాల్లో దుమారం రేపిన సంగతి తెలిసిందే. అధికార పార్టీలో అలజడి సృష్టించాయి.

మూడోసారి తిరగబడతా..

తాజాగా గజ్వేల్ మండలం ప్రజ్ఞాపూర్ లో రేషన్ డీలర్ల సమావేశంలో మరోసారి హాట్ కామెంట్స్ చేశారు ఎమ్మెల్యే అనిరుధ్ రెడ్డి. నేను ఒక్కసారి అడుగుతా, రెండోసారి బతిమాలుతా, మూడోసారి తిరగబడతా.. అంటూ ఘాటు వ్యాఖ్యలు చేశారు. తాను అధికార పార్టీలో ఉన్నంత మాత్రాన సమస్యలపై మాట్లాడొద్దా? అని ప్రశ్నించారు. తప్పుని తప్పు అని చెప్పొద్దా? అని నిలదీశారు.