మంత్రి పొంగులేటి రాజీనామా చేయాలి : హరీశ్‌రావు

22ఏ నిషేధిత భూముల తప్పిదంలో నైతిక బాధ్యత వహించి తన మంత్రి పదవికి పొంగులేటి శ్రీనివాస్ రెడ్డి రాజీనామా చేయాలని మాజీ మంత్రి హరీశ్ రావు డిమాండ్ చేశారు. ముఖ్యమంత్రి, మంత్రులు కలిసి చేసిన తప్పును అధికారుల మీదకు నెట్టడం సరికాదని, ఎలాంటి దరఖాస్తు లేకుండా, బాధితులు ఆఫీసుల చుట్టూ తిరిగే అవసరం లేకుండా భూములు తొలగించాలన్నారు. జాబితాలో ప్రజల భూములు ఎవరు పెట్టారు? ఎవరు పెట్టించారు? వాస్తవం బయట పడాలని కోరారు. నిషేధిత భూముల తొలగింపు పేరుతో మీ కబ్జా భూములు రెగ్యులరైజ్ చేస్తే బీఆర్‌ఎస్ పార్టీ చూస్తూ ఊరుకోదన్నారు. పొంగులేటి చెప్పిన ‘టోల్ ఫ్రీ నంబర్’ పని చేయడం లేదని.. కానీ, జనతా గ్యారేజ్ తెలంగాణ భవన్ ఎల్లప్పుడూ తలుపులు తెరిచే ఉంటుందన్నారు.