‘జగన్ 2.0 చూపిస్తే.. మేం 10X చూపిస్తాం..’ డిప్యూటీ సీఎం పవన్ కల్యాణ్ స్ట్రాంగ్ కౌంటర్!

 ఆంధ్రప్రదేశ్ రాజకీయాల్లో అధికార కూటమి, విపక్ష వైసీపీ నాయకుల మధ్య మాటల తూటాలు పేలుతున్నాయి. వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి ఇటీవల చేసిన వ్యాఖ్యలపై రాష్ట్ర ఉప ముఖ్యమంత్రి, జనసేన అధినేత పవన్ కల్యాణ్ తీవ్రస్థాయిలో ధ్వజమెత్తారు. ‘మీరు 2.0 చూపిస్తామని బెదిరిస్తే.. మేం 10X (పదిరెట్లు) చూపిస్తాం’ అంటూ జగన్‌కు పవన్ కల్యాణ్ ఘాటు కౌంటర్ ఇచ్చారు. మంగళగిరిలో మంగళవారం ఏర్పాటు చేసిన నేషనల్ డెమోక్రటిక్ అలయన్స్ (NDA) సంయుక్త మీడియా సమావేశంలో పవన్ మాట్లాడారు.