ఒక్క ఎకరం అమ్మినట్లు నిరూపించినా ఊడిగం చేస్తా.. ఎమ్మెల్యే సవాల్!

కూకట్‌పల్లి నియోజకవర్గ పరిధిలోని భూముల విక్రయాల వ్యవహారంపై బీఆర్ఎస్ ఎమ్మెల్యే మాధవరం కృష్ణారావు రాష్ట్ర ప్రభుత్వానికి సవాల్ విసిరారు. కూకట్‌పల్లి ప్రాంతంలో తాను గానీ తన కుటుంబసభ్యులు గానీ ఒక్క ఎకరం భూమిని అమ్ముకున్నట్లు నిరూపించినా.. ప్రభుత్వంలోని పెద్దల ఇళ్లలో ఊడిగం చేయడానికి సిద్ధమని సంచలన ప్రకటన చేశారు. తెలంగాణ ఉద్యమ సమయంలో తాము ఎంతో కష్టపడి, పోరాడి సాధించిన మియాపూర్ భూములను ప్రభుత్వం అన్యాక్రాంతం చేస్తోందన్నారు. కోర్టు ఆర్డర్ కాపీ రాకముందే ఆ భూములను వేలం వేయడానికి కాంగ్రెస్ పెద్దలు సిద్ధపడడం దారుణమని మండిపడ్డారు.