నగరంలో మారిన వాతావరణం.. పలు ప్రాంతాల్లో భారీ వర్షం!..

మరోవైపు వినాయక చవితి పర్వదినాన భాగ్యనగరాన్ని వరుణుడు పలకరించాడు. తెల్లవారుజామున ఒక్కసారిగా దట్టమైన మేఘాలు కమ్ముకుని, పలు ప్రాంతాల్లో వర్షం భారీగా కురవడంతో హైదరాబాద్‌ లో వాతావరణం ఒక్కసారిగా మారిపోయింది. ఉదయం నుంచే చల్లటి ఈదురుగాలులతో పాటు కురిసిన వర్షంతో నగర ప్రజలకు ఉక్కపోత నుంచి కాస్త ఉపశమనం లభించింది. అయితే మరోవైపు భారీ వర్షంతో పలు ప్రాంతాల్లో రహదారులపై నీరు నిలిచి వాహనదారులకు ఇబ్బందులు ఎదురయ్యాయి.