Hyderabad: నగరానికి సమస్యగా మారిన వ్యర్థాలు.. నిమజ్జనం తర్వాత 13 వేల టన్నుల చెత్త!!..

గణేశ్‌ నిమజ్జనాల సందడి ముగిసింది.. కానీ నగరానికి మాత్రం భారీ చెత్త సమస్య మిగిలింది. నిమజ్జన పాయింట్లు, శోభాయాత్ర మార్గాల్లో జిడ్డు, ఆహార వ్యర్థాలు, పూజా సామగ్రి, కలర్‌ పేపర్లు పేరుకుపోయాయి. రోడ్లపై అతుక్కుపోయిన వ్యర్థాలతో వాహనాలు స్కిడ్‌ అవుతుండటంతో జీహెచ్‌ఎంసీ ఆరు వాటర్‌ ప్రెజర్‌ మెషీన్లతో ప్రత్యేక శానిటేషన్‌ డ్రైవ్‌ చేపట్టింది. రెండు రోజుల్లో జీహెచ్‌ఎంసీ పరిధిలోనే సుమారు 6 వేల మెట్రిక్‌ టన్నుల చెత్త సేకరించగా.. మూడు కార్పొరేషన్ల పరిధిలో ఈ మొత్తం 13 వేల మెట్రిక్‌ టన్నులకు చేరింది. ఈ వ్యర్థాలను జవహర్‌నగర్‌ డంపింగ్‌ యార్డుకు తరలిస్తున్నారు. మొత్తంగా 15 వేల మంది పారిశుధ్య సిబ్బంది క్లీనింగ్‌ పనుల్లో పాల్గొంటున్నారు.