Hyderabad: నిమ్స్ ఆస్పత్రి మెయిన్ క్యాంటీన్ టెండర్లలో భారీ అక్రమాలు.. మండిపడుతున్న ప్రజా సంఘాలు!!..

పంజాగుట్ట నిమ్స్ ఆస్పత్రి మెయిన్ క్యాంటీన్ టెండర్లలో భారీ అక్రమాలు వెలుగులోకి వచ్చాయనే ఆరోపణలు గుప్పుమంటున్నాయి. టెండర్ నిబంధనలను పక్కనబెట్టి, అనర్హులకు కాంట్రాక్టును కట్టబెట్టేందుకు కొందరు అధికారులు, ప్రజాప్రతినిధులు కుమ్మక్కయ్యారనే తీవ్ర విమర్శలు వెల్లువెత్తుతున్నాయి. ఈ వ్యవహారంపై తెలంగాణ ఎంఆర్‌పిఎస్ యువజన సంఘం రాష్ట్ర అధ్యక్షుడు టి. నవీన్ రాజ్ స్పందిస్తూ పారదర్శక విచారణ జరిపించి, బాధ్యులపై చర్యలు తీసుకోవాలని డిమాండ్ చేస్తూ ముఖ్యమంత్రి కార్యాలయంలో ఫిర్యాదు చేశారు..