తెలంగాణ ప్రభుత్వ ఉద్యోగాల్లో భారీ స్కామ్‌.. ఒకే ఆధార్‌తో ఇద్దరు ఉద్యోగులు.. రెండేసి జీతాలు!

తెలంగాణ ప్రభుత్వ శాఖల్లో మునుపెన్నడూ లేని రీతిలో భారీ ఆడిట్ కుంభకోణం వెలుగులోకి వచ్చింది. ఒకే ఆధార్ కార్డు నంబర్‌ను వినియోగించి ఇద్దరు వేర్వేరు వ్యక్తులుగా లేదా రెండు వేర్వేరు పేర్లతో రెండు కీలక శాఖల్లో ఉద్యోగాలు పొంది లక్షల రూపాయల జీతాలను కొల్లగొడుతున్న అక్రమార్కుల గుట్టు రట్టయింది. ఉద్యోగుల సమగ్ర డేటాను, ఆధార్ వివరాలను ఆర్థిక శాఖ లోతుగా పరిశీలించే క్రమంలో ఈ నకిలీ ఉద్యోగుల ఉదంతం బయటపడింది. ఇప్పటివరకు చేపట్టిన ప్రాథమిక విచారణలో 40 అనుమానాస్పద కేసులను గుర్తించగా, అందులో ఏకంగా 80 మంది డూప్లికేట్ ఉద్యోగులు ఉన్నట్లు అధికారులు నిర్ధారించారు.