హైదరాబాద్‌లో భారీ సైబర్ దోపిడీ.. గంటన్నర వ్యవధిలో రూ.3.34 కోట్లు కొట్టేశారు

Cyber Fraud: సైబర్ నేరగాళ్లు రెచ్చిపోయారు. హైదరాబాద్‌లో భారీ సైబర్ దోపిడీకి పాల్పడ్డారు. గంటన్నర వ్యవధిలోనే ఏకంగా రూ.3.34 కోట్లు కాజేశారు సైబర్ కేటుగాళ్లు. రాయదుర్గంలోని NBFC సంస్థకు చెందిన బేగంపేట బ్రాంచ్ అకౌంట్ నుంచి నగదు మళ్లించారు. కేవలం గంటన్నర వ్యవధిలో 183 విడతలుగా 3.34 కోట్ల రూపాయలను 52 వేర్వేరు మ్యూల్ అకౌంట్లకు ట్రాన్స్‌ఫర్ చేసేశారు. భారీ మొత్తంలో నగదు మాయమైన విషయాన్ని గుర్తించిన కంపెనీ సీఎఫ్ఓ.. తెలంగాణ సైబర్ సెక్యూరిటీ బ్యూరోకి ఫిర్యాదు చేశారు. కేసు నమోదు చేసిన సైబర్ సెక్యూరిటీ బ్యూరో ఈ భారీ మోసంపై దర్యాఫ్తు ప్రారంభించింది.