హనుమకొండలో తీవ్ర ఉద్రిక్తత.. మాజీ మంత్రి హరీశ్‌ రావు అరెస్ట్.. కాలినడకన పీఎస్‌కు తరలింపు!

హనుమకొండ కలెక్టరేట్ ప్రాంగణం వద్ద తీవ్ర ఉద్రిక్త పరిస్థితులు నెలకొన్నాయి. ఉద్యోగ, ఉపాధ్యాయ సమస్యలపై నిరసన తెలుపుతున్న టిఎన్‌జీవో(TNGO) ధర్నా కార్యక్రమంలో పాల్గొన్న మాజీ మంత్రి, బీఆర్ఎస్ (BRS) సీనియర్ నాయకుడు హరీశ్ రావును పోలీసులు అరెస్ట్ చేశారు. అనంతరం సమస్యలు ఎదుర్కొంటున్న పాలిటెక్నిక్ విద్యార్థులను కలిసేందుకు వెళ్తున్న ఆయనను మార్గమధ్యంలోనే పోలీసులు అడ్డుకుని అదుపులోకి తీసుకున్నారు.