అర్ధరాత్రి హైడ్రామా.. కేటీఆర్ పీఆర్వో మాణిక్య మహేష్ విడుదల..!

బీఆర్ఎస్(BRS) కార్యనిర్వాహక అధ్యక్షుడు కేటీఆర్ పీఆర్వో మాణిక్య మహేష్ ముదిరాజ్‌ను బొల్లారం పోలీసులు శుక్రవారం ఉదయం 4గంటల సమయంలో విడుదల చేశారు. బీఎన్ఎస్/సీఆర్‌పీసీ 35(3) సెక్షన్ కింద నోటీసులు జారీ చేస్తూ అర్ధరాత్రి దాటిన తర్వాత ఆయనను వదిలిపెట్టారు. అంతకుముందు గురువారం రాత్రి ఆయనను సైఫాబాద్ పోలీస్ స్టేషన్ నుంచి బొల్లారం పోలీస్ స్టేషన్‌కు రహస్యంగా తరలించడంతో తీవ్ర ఉత్కంఠ నెలకొంది. ఈ పరిణామాల నేపథ్యంలో ఈరోజు ఉదయం 10 గంటలకు బీఆర్ఎస్ అగ్రనేత కేటీఆర్ మీడియాతో ప్రత్యేకంగా మాట్లాడనున్నారు.