స్థానిక ఎన్నికల జీవోపై హైకోర్టు తీర్పు.. చంద్రబాబుపై బొత్స ఘాటు వ్యాఖ్యలు!

 ఏపీ స్థానిక సంస్థల ఎన్నికల్లో వెనుకబడిన తరగతులకు (బీసీలు) 34శాతం రిజర్వేషన్లు కల్పిస్తూ కూటమి ప్రభుత్వం జారీ చేసిన జీవోను హైకోర్టు రద్దు చేయడంపై వైసీపీ సీనియర్ నేత, మాజీ మంత్రి బొత్స సత్యనారాయణ తీవ్ర స్థాయిలో విరుచుకుపడ్డారు. సీఎం నారా చంద్రబాబు నాయుడు మరోసారి బీసీలకు వెన్నుపోటు పొడిచారని ఆయన ఆరోపించారు. న్యాయపరంగా ఈ జీవో కోర్టులో నిలవదని ముందే తెలిసినప్పటికీ, కేవలం రాబోయే స్థానిక ఎన్నికల్లో రాజకీయ లబ్ధి పొందాలనే కుట్రతోనే ప్రభుత్వం ఈ డ్రామాకు తెరలేపిందని ఆయన విమర్శించారు.