తెలంగాణకు భారీ వర్ష సూచన.. ఈ జిల్లాల్లో కుండపోత వానలు

Rains: ఓవైపు మండిపోతున్న ఎండలు, మరోవైపు భయపెడుతున్న నీటి కొరత.. ఈ పరిస్థితుల్లో తెలంగాణకు చల్లని కబురు చెప్పింది వాతావరణ శాఖ. రాష్ట్రానికి భారీ వర్ష సూచన చేసింది. రాష్ట్రంలో భారీ నుంచి అతి భారీ వర్షాలు కురిసే అవకాశం ఉందని అంచనా వేసింది. అక్టోబర్ 28న తూర్పు తెలంగాణలోని ఖమ్మం, భద్రాద్రి కొత్తగూడెం, ములుగు, మహబూబాబాద్ జిల్లాల్లో భారీ నుంచి అతిభారీ వానలు పడే ఛాన్స్ ఉందని తెలిపింది. అదే రోజున వరంగల్, హన్మకొండ, సూర్యాపేట, నల్గొండ, భూపాలపల్లి, యాదాద్రి-భువనగిరి, జనగామ జిల్లాల్లో మోస్తరు వర్షాలు కురిసే అవకాశం ఉందని వాతావరణ శాఖ అంచనా వేసింది.